ఎలాగూ గౌరవప్రదమైన జీవితాన్ని ప్రసాదించ లేక పోయావు
కనీశం గౌరవ ప్రదమైన చావునైనా ప్రసాదిస్తావని ఆశించాను
అందుకే పాలకుల పై వారి చిలుక పలుకుల పై
ఇలాచిందులు తొక్కాను
మరణానికి భీతిల్లేటంత గొప్ప ప్రాణం కాదు నాది.
ఇంకొంత కాలం బతికి తీరాలన్న గొప్ప జీవితం కాదు నాది.
ఈ క్షణం నన్ను మరణం వరించినా అది ఆలశ్యమే
గెలుపోటముల గురించి కాదు నా ఈ గోడు
కనీశం నా వ్యూహం - నా ప్రయత్నాలన్నా కొంత బెటర్గా ఉందొచ్చుగా
అన్నదే నా బాధ.
మరణం అని నేను పేర్కొంటున్నది
శారీరక మరణాన్నే
కాని నువ్వు ప్రసాదిస్తున్నది మానసిక మరణం
క్షణం క్షణం మరణం.
పోనీ వ్యక్తిగత జీవితంలోని వైఫల్యాలను దిగ మ్రింగి
సాంఘికంగా ఒక బొమ్మ గీసుకుని -దానిని చూసుకుని
బతికేద్దామని దిగ జారితే
ఆ బొమ్మ మీద కూడ మసి పూసేస్తున్నావు.
అయినా నీకు నాకు మద్య గల నెట్ వర్కింగులో ఎలా కలుగుతూంది ఈ అంతరాయం?
నీ వైపు నుండి కలిగితే అందుకు కారణం నీ ప్రళయ అజెండాకు
నేను అడ్డు తగులుతానన్న జంకు.
పాతికేళ్ళుగా నన్ను నేను పాతేసుకుంటానన్నా పట్టించుకోని
పాలకులు నా మాట వింటారని ఇంకా నమ్ముతున్నావా అమ్మా? షిట్!
పోని నా వైపు నుండి అంతరాయం కలిగితే అందుకు కారణం
నా అహం అయ్యుండాలి
నా గతం అందరికి అవగతం అయ్యేది -కొంత సానుభూతైనా మిగిలేది
నా వర్థమానం ?
కుష్ఠు రోగికన్నా హీనంగా పుండ్లపై రంగుల కాగితాలు అతికించుకుని
బతికేస్తున్నా..
అహం నా సరిహద్దులకు రా గలదా?
మరి ఈ అంతరాయానికి కారణం ఏమిటి?
రెప్ప పాటులో నా సర్వం కుప్ప కూలి పోతుందే..
ఆ తరువాత నువ్వు చాపర్లో సి.ఎంలా వచ్చి ఏం లాభం?
అమ్మా.. కరుణించవే.. కనీశం నేను కాసింత గౌరవంగా మరణించడానికి కరుణించవే!
ఏమిటి ఈ నీరసం ..ఎందుకీ నిస్ప్ఱుహ..
ఏం జరుగుతూంది?
పొరభాటున ప్రాణం పోతే ఖర్మ ఖాండలకైనా
చిల్లర డబ్బులు లేవు.
ఏం చూసుకుని ఈ బద్దకం?
హే వాగ్దేవి!
ఏమైంది? నీకేమైంది? నాకేమైంది?
ఎందుకీ దాగుడు మూతలు?
నా వెనుక ఒక దేశం ఉంది.
నేను పార ద్రోలవసలసిన ఆకలి దట్టంగా కమ్ముకుని ఉంది.
బాల సూర్యుడనై ఉదయించిన నన్ను మ్రింగేస్తున్న రాహువు ఏది?
ఈ హిపాక్రెట్సు నీకు తల నీలాలు మాత్రమే సమర్పిస్తారు..
నేను నా తలనే అర్పించా?
నా మస్తిష్కంలోని "నేను" కేవలం ఒక అస్తిపంజరంగా పడున్నాను
అందులో నిత్యం జరుగుతున్నది నీ నాట్యమేగా?
ఇంకేంకావాలి నీకు?
వీరు కేవలం పాలు,నీళ్ళతో చేస్తారు అభిషేకం.
కాని నేను రక్తంతో ..
నువ్వు నా వెంట ఉన్నావని -నన్ను అంటి పెట్టుకుని కాపాడుతావని
తెగ రెచ్చి పోయాను..ఏకంగా ఇక్కడి దెయ్యాలతోనే తగవు పెట్టుకున్నా
పచ్చి రక్తం త్రాగే ఆ పిశాచాలు -నన్ను నా ప్రజలను పీల్చి పిప్పి చేయ చూస్తుంటే
నాలో ఈ నీరసం..నిస్ప్ఱుహ..
తల్లీ ఎందుకే నా పై నీకింత కక్ష ? అయినా నీవే రక్ష.. !!
ఓం శక్తి
