అమ్మా అమ్మోరు తల్లి !
నన్ను చూడు నన్ను మాత్రమే చూడు
నా చుట్టు ఉన్న చీకటిని చూడకు
నేను నిన్నే చూసా
నిన్ను మాత్రమే చూసా
నీ వెనుకున్న భూతు పురాణాల గాదలను చూడలేదు
నీ వెనుకున్న బలుల భరతాలు చూడలేదు
నాలాగే నువ్వూ నన్ను మాత్రమే చూడు
అమ్మా నీకు ఎన్ని సార్లు చెప్పానే
వెన్ను విరిగిన దేశం కోశం పొట్ట చేత పట్టి
పట్టడన్నం కోశం తమ సర్వశ్వం ఒడ్డుతున్న
నీ బిడ్డల కోశమే ఈ యుద్దమని
నేను పొట్ట చేత పట్టుకునే బ్రతికినా
నువ్వాదుకుంటావన్న విశ్వాసంతోనే
నా లక్ష్యాన్ని జార విడువ లేదని ...
అసలు ......అసలు ఏమిటి నీ ఉద్దేశం?
ఎలాగైతేనేం ..కమిట్ అయ్యాడు
ఇక దారి తప్పడన్న అతి విశ్వాసం ఏమన్నా దాగుందా
నీ నిర్లక్ష్యం వెనుక..
నన్ను పుట్టించిన నీకే నా మనస్సులోని పెను భూతాలు
కనిపించలేదంటే అవి ఎంతటి లోతుల్లో ఉంటాయో
నన్నెంతగా తింటాయో ఊహించుకోవే
అమ్మా !
సన్మార్గంలో విజయం సాధించ లేకుంటే
దున్మార్గాన నన్ను నడిపించడానికి నాలోనే ఉన్నాయి
పెను భూతాలు
అమ్మా ..ఇప్పటికన్నా నన్ను చూడు.. నన్ను మాత్రమే చూడు
కర్ణుడు కౌరవులతో ఉన్నాడని అతని సహజ కవచ కుండలాలు ఊడి పోయాయా?
వాటికన్నా తీసిపోయావా నువ్వు
నా చుట్టూ ఉన్న చీకటేదో నాకు తెలుసు. నువ్వు దిగి వస్తే అది
తనంతట తనే తొలుగుతుంది
నా ఆత్మ కోటి సూర్యప్రకాశంతో వెలుతుంది
అది తొలిగేంతవరకు నువ్వు కాచుక్కూర్చుంటే తేజోమయివన్న
నీ బిరుదు మెటాష్ అవుతుంది
రావే ..నింగినుండి దిగి వస్తావో
మూలాధారమునుండి లేచెస్తావో నాకో తెలీదు
రా రావే తక్షణం రా..
అపాయాలకు , నువ్వు ప్రసాదించే ఉపాయలకు సరిగ్గా 13 నెలల తేడా ఉంది.
ఇదేనా నీ శిష్ఠ రక్షణ.. ఇదేనా నీ దుష్ఠ శిక్షణ
నువ్వే దెయ్యమైయ్యుంటే ఒక్క తులశి ముక్కతో నిన్నాపి ఉంటా
ప్రియురాలివైయ్యుంటే గుడ్ బై చెప్పి ఉంటా..
భార్యవైయ్యుంటే విడాకులే ఇచ్చి ఉంటే
పార్ట్నర్ అయ్యి ఉంటే డీడ్ చించి మొఖాన కొట్టి ఉంటా
ఫ్రెండ్ వై య్యుంటే నీతో శతృత్వానికే సై అనుంటా
ఏదీ కాక అన్నీ నీవై ఇలా చంపుకు తింటున్నావేంటి
హ్రీంకారం జపించా..121 నెలలు నిర్విరామంగా ఎండా ,వానా,పస్తు,
విందు,దనం,పేదరికం,సన్మానం,అవమానం ఏది వచ్చినా ఏది పోయినా జపించా.. నీకు పసుపు నీరు ఉంచా
నీవు రక్తానికి అలవాటు పడ్డ డ్రాగులావలే తయారయ్యావు
నీతో ఎలాగే ఏగడం
No comments:
Post a Comment